ⵜⴰⵙⴳⵓⵔⵉ ⵏ ⵓⵙⵉⵔⴰ ⴰⵙⵔⵜⴰⵏ ⵏ ⵓⴽⴰⴱⴰⵕ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ ⵅⴼ ⵜⵣⵣⵉⴳⵣⵜ ⵜⴰⵎⵣⵔⴰⵢⵜ ⴷ ⵜⵎⵖⵜⴰⵙⵜ ⴳ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ
ⴳ ⵜⵉⵣⵉ ⴰⴷ ⵜⴰⵎⵣⵔⴰⵢⵜ ⵍⵍⵉ ⵉⴷⴷⵔ ⵓⵎⴰⴷⴰⵏ ⴰⵎⵖⵔⵉⴱⵉ, ⵉⵎⵎⵔ ⴱⴰⵀⵔⴰ ⵓⵙⵉⵔⴰ ⴰⵙⵔⵜⴰⵏ ⵏ ⵓⴽⴰⴱⴰⵕ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ ⴷ ⵉⵙⵓⵜⴳ ⴱⴰⵀⵔⴰ ⵜⴰⵖⵜⴰⵙⵜ ⵓⵟⵟⵓⵏ 2797 ⵍⵍⵉ ⵉⵙⵖⵣⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⴹⴼⵕⵏ ⵜⵉⵎⵜⵜⴰ ⵎⵓⵏⵏⵉⵏ, ⵍⵍⵉ ⵉⵙⵙⵕⵚⵏ ⵜⴰⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⴷⴷⵓ ⵜⵅⵅⵓⵜⵔⴰ ⵜⴰⵎⵖⵔⵉⴱⵉⵜ ⵍⵍⵉ ⵉⴳⴰⵏ ⴰⴼⵙⵙⴰⵢ ⴰⵎⵢⵉⵡⵏ ⵉ ⵓⴼⵓⴽⴽⵓ ⵏ ⵓⵎⵏⵣⴰⵖ ⵉⵜⵜⵓⵙⴽⴰⵔⵏ ⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⴰⵢⵍⵍⵉ ⵉⴼⴳⴰⵏ ⵜⴰⵏⴰⵔⴰ ⵏ ⵜⵣⵔⴼⵜ ⴷ ⵜⵉⴷⵜ ⵏ ⵓⵎⵣⵔⵓⵢ ⴷ ⵓⵣⵔⴼ ⴷ ⵜⵍⵍⵓⴳⵏⴰ.
ⴳ ⵓⵎⵏⴰⴹ ⴰⴷ, ⵉⴹⴼⵕ ⵓⵙⵉⵔⴰ ⴰⵙⵔⵜⴰⵏ ⵙ ⵓⵅⵎⵎⴻⵎ ⵉⴷⵔⴰⵏ ⴷ ⵓⵙⵓⵜⴳ ⵉⴳⴳⵓⵜⵏ, ⵉⵏⴰⵡ ⴰⴳⵍⴷⴰⵏ ⴰⵎⴰⵜⵜⵓⵢ ⵙ ⵜⵎⵍⴷⴰ ⴰⴷ ⵏ ⵜⵓⵎⵔⵜ ⴷ ⵜⵙⵓⵜⵍⵜ ⵙⵇⵇⵉⵇⵏ ⴳ ⵓⵎⵣⵔⵓⵢ ⵏ ⵍⵎⵖⵔⵉⴱ ⴰⵜⵔⴰⵔ, ⵍⵍⵉⵖ ⵉⴷⵔⵓ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵙ ⵡⴰⵡⴰⵍ ⵏ ⵜⵓⵏⵥⵉⵥⵔ ⴷ ⵜⴷⵓⵙⵉ ⵉⴼⵙⵓⵙⵏ, ⵜⴰⵎⵙⴽⵔⵜ ⴰⴷ ⵜⴰⵎⵣⵔⴰⵢⵜ ⴰⴽⴷ ⴰⵎⴰⴷⴰⵏ ⴰⵎⵖⵔⵉⴱⵉ, ⴷⴼⴼⵉⵔ ⵏ 50 ⵏ ⵓⵙⴳⴳⵯⴰⵙ ⵏ ⵜⵖⵏⵙⴰ ⴷ ⵜⵡⵓⵔⵉ ⴷ ⵜⵓⴳⴳⵯⴰⵙ ⵅⴰⵜⵔⵏⵉⵏ ⵉ ⵜⵎⵙⴰⵔⵜ ⵏⵏⵖ ⵜⴰⵏⴰⵎⵓⵔⵜ ⵜⴰⵣⵔⴼⴰⵏⵜ ⵜⵓⵍⴳⵉⵏⵜ.
ⴳ ⵜⵉⵣⵉ ⴰⴷ ⵜⴰⵏⴰⵎⵓⵔⵜ ⵜⴰⵎⵣⵔⴰⵢⵜ, ⵉⵙⴷⴷⵉⴷ ⵓⴽⴰⴱⴰⵕ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ ⵎⴰⵙ ⴳⴰⵏⵜ ⵜⵣⵣⵉⴳⵣⵉⵏ ⴰⴷ ⴰⵙⵏⴼⵍ ⵉⴷⵔⴰⵏ ⴳ ⵓⴱⵔⵉⴷ ⴰⵖⵣⵣⴰⴼ ⵏ ⵜⵖⵏⵙⵉⵡⵉⵏ ⵏ ⵓⵎⴰⴷⴰⵏ ⴰⵎⵖⵔⵉⴱⵉ ⵃⵎⴰ ⴰⴷ ⵉⵙⵎⴷ ⵉⵙⵙⵕⵚⵓ ⵜⴰⵢⴰⵏⵜ ⵏⵏⵙ ⵜⴰⴽⴰⵍⴰⵏⵜ, ⵍⵍⵉ ⵉⴼⴽⴰ ⴽⵉⴳⴰⵏ ⴷ ⵎⴰⴷ ⵓⵔ ⵉⴷⵔⵓⵙⵏ ⵉ ⵎⴰⵢⴰⵏⵏ ⴳ ⵜⵎⵔⴰⵡⵉⵏ ⵏ ⵉⵙⴳⴳⵯⴰⵙⵏ, ⵉⴱⴷⴷ ⵙ ⵜⵎⵢⵉⵎⴰⵏⵜ ⵜⴰⵏⴰⵎⵓⵔⵜ ⴷ ⵜⵏⴰⵥⴰⵕⵜ ⴷⴰⵜ ⵏ ⵎⴰⵕⵕⴰ ⵜⵉⵎⵓⴽⵔⵉⵙⵉⵏ ⴷ ⵜⴱⴱⴰⵢⴹⴰⵕⵉⵏ ⴷ ⵍⵄⴽⵓⵙⴰⵜ.
ⵙ ⵜⵎⵍⴷⴰ ⴰⴷ ⵏ ⵜⵓⵎⵔⵜ ⴷ ⵓⴱⵓⵔⵣ ⵍⵍⵉ ⵔⴰⴷ ⵉⵜⵜⵢⵓⵔⵓ ⴳ ⵓⵎⵣⵔⵓⵢ ⵙ ⵙⵙⵎⵖ ⵏ ⵓⵙⵓⵜⴳ ⴷ ⵜⵏⴰⵔⴰ, ⴷⴰⵜ ⵏ ⵜⴼⵓⴳⵍⴰ ⵜⴰⵏⴰⵎⵓⵔⵜ ⵏ ⵓⵣⵔⴰⵢ ⵏ 50 ⵏ ⵓⵙⴳⴳⵯⴰⵙ ⴼ ⵜⵎⵙⴰⵔⵜ ⵏ ⵜⵡⴰⴷⴰ ⵜⴰⵣⴳⵣⴰⵡⵜ, ⵍⵍⵉ ⵉⴳⴰⵏ ⴰⵙⵏⴼⵍⵓⵍ ⴷ ⵓⵕⵥⵥⵓⵎ, ⵙ ⵓⵎⵓⵔⵙ ⴷ ⵜⴱⴰⵔⵣⴰ, ⵏ ⵉⴳⵍⵍⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵍⵃⴰⵙⴰⵏ ⵡⵉⵙ ⵙⵉⵏ ⵜⴰⵎⵍⵍⴰ ⵏ ⵕⴱⴱⵉ ⴼ ⵉⵎⴰⵏ ⵏⵏⵙ, ⵜⴰⵡⵉ ⴷ ⵓⵖⵓⵍ ⵏ ⵜⵙⴳⴳⵉⵡⵉⵏ ⵏⵏⵖ ⵏ ⵉⴼⴼⵓⵙ ⴳ ⵚⵚⵃⵕⴰ, ⴰⵢⵍⵍⵉ ⵉⴳⴰⵏ ⴰⵙⵎⴰⴷ ⵏ ⵜⵡⴰⴷⴰ ⵏ ⵓⵙⵍⴻⵍⵍⵉ ⴷ ⵜⵙⵉⵎⴰⵏⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ ⵜⴰⵎⵍⵍⴰ ⵏ ⵕⴱⴱⵉ ⴼ ⵉⵎⴰⵏ ⵏⵏⵙ.
ⵙ ⵓⵡⵇⵇⵔ ⴷ ⵓⵙⵓⵜⴳ, ⴰⵔ ⴷ ⵉⵙⵙⴽⵯⵜⵉ ⵓⴽⴰⴱⴰⵕ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ ⵜⵉⵍⴰⵍ ⴰⴷ ⵜⵉⵎⵣⵔⴰⵢⵉⵏ ⵍⵍⵉ ⵕⵛⵎⵏⵉⵏ ⴰⴱⵔⵉⴷ ⵏⵏⵖ ⴰⵏⴰⵎⵓⵔ ⵉⴱⵓⵖⵍⴰⵏ, ⴰⵔ ⵉⵜⵜⵉⵏⵉⵏ ⵉⵙⵔⵖⵓⴷⵏ ⵏⵏⵙ ⵥⵉⵍⵏⵉⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴼ ⵜⵉⵍⴰⵍⵜ ⵏⵏⵙ ⵜⴰⵎⵣⵡⴰⵔⵓⵜ ⵍⵍⵉ ⵉⵙⴽⵔ, ⵙ ⵜⵉⵔⴰⵜ, ⴳ ⵜⵏⴰⵔⴰ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵏⴰⵎⵓⵔⵜ, ⵙⴳ ⵜⵉⵍⵉⵜ ⵏⵏⵙ ⵓⴷⴰⴱⵓ, ⴰⵢⵍⵍⵉ ⵉⵙⴽⵔⵏ ⵉⵙⵏⴼⵍⵏ ⵉⵙⵉⵍⴰⵏⵏ ⴳ ⵓⵙⵎⴽⵍ ⵏ ⵓⵙⴷⴰⵡ ⵏ ⵓⵎⵏⵣⴰⵖ ⵉⵜⵜⵓⵙⴽⴰⵔⵏ ⴼ ⵚⵚⵃⵕⴰ ⵏⵏⵖ ⵜⴰⵎⵖⵔⵉⴱⵉⵜ, ⵙⴳ ⵓⵙⵎⵏⵉⴷ ⴳ ⵓⵙⴳⴳⵯⴰⵙ ⵏ 2007, ⵏ ⵜⵙⵏⵜⴰⵢⵜ ⵏ ⵓⵏⴱⴰⴹ ⴰⵏⵉⵎⴰⵏ ⴷⴷⵓ ⵜⵅⵅⵓⵜⵔⴰ ⵜⴰⵎⵖⵔⵉⴱⵉⵜ, ⴰⵢⵍⵍⵉ ⵉⵙⵏⴼⵍⵏ ⵉⵎⵢⴰⵙⴰⵏ ⵉ ⵚⴰⵃⴰ ⵏ ⵜⵎⴰⵣⵉⵔⵜ ⵏⵏⵖ, ⵢⴰⵊⵊ ⵜⵜ ⴰⴷ ⵜⴰⵎⵥ ⵜⴰⵙⵏⵜⴰⵢⵜ ⴷ ⵓⵙⴽⵔ ⴳ ⵓⵙⵡⵉⵔ ⴰⴳⵔⴰⵖⵍⴰⵏ. ⴰⵢⵍⵍⵉ ⵉⵜⵜⵓⵙⴷⴷⴰⴷⵏ ⴷ ⵉⵜⵜⵓⵙⵕⵚⴰ ⵙ ⴽⵉⴳⴰⵏ ⵏ ⵜⵏⴰⵔⴰⵢⵉⵏ. ⵙⵍⴰⵡⴰⵏ ⴰⴽⴽⵯ ⵙ ⵜⵓⴳⵜ ⵏ ⵉⵙⵙⵏⵏ ⴳⴳⵓⵜⵏⵉⵏ ⵙ ⵜⵎⵖⵔⵉⴱⵉⵜ ⵏ ⵚⵚⵃⵕⴰ ⴷ ⵓⵖⵣⴰⵏ ⵏ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ.
ⴳ ⵜⵉⵣⵉ ⴰⴷ ⵜⴰⵏⴰⵎⵓⵔⵜ ⵉⴽⵜⴰⵔⵏ ⵙ ⵡⴰⵎⵎⴰⴽⵏ ⵥⵉⵍⵏⵉⵏ, ⴰⵔ ⵉⵜⵜⴰⵣⵏ ⵓⴽⴰⴱⴰⵕ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ, ⴰⵙⵙⵔⵖⴷ ⵏⵏⵙ ⵉⵀⵉⵢⵢⴰⵏ ⴷ ⵓⵣⵓⵍ ⵏⵏⵙ ⴰⵎⴰⵜⵜⵓⵢ ⵉ ⵎⴰⵕⵕⴰ ⴰⵎⴰⴷⴰⵏ ⵏ ⵍⵎⵖⵔⵉⴱ, ⵙ ⵜⵓⴷⴷⵓⵙⵉⵏ ⵏⵏⵙ ⴷⴷⵔⵏⵉⵏ, ⵍⵍⵉ ⵉⵙⵎⵏⵉⴷⵏ ⵉ ⵜⵏⴰⵔⴰ ⴰⴷ ⵉⴳⴳⵓⵜⵏ ⵎⴰⵕⵕⴰ ⵉⵙⴼⴰⵙⴽⴰⵜⵏ. ⵖⵎⴽ ⵍⵍⵉ ⵉⵜⵜⴰⵣⵏ ⵉⵙⵙⵔⵖⵓⴷⵏ ⴷ ⵉⵣⵓⵍⵏ ⵏⵏⵙ ⵉ ⵎⴰⵕⵕⴰ ⵜⵉⵡⵉⵣⵉⵡⵉⵏ ⴷ ⵜⵙⵏⵜⴰⵢⵉⵏ ⴷ ⵜⵓⴳⴳⵯⴰⵙ ⵥⵉⵍⵏⵉⵏ, ⴳ ⵓⵙⴰⵜⵉ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⴰⴷⴷⵓⴷⵜ, ⴷ ⵓⵙⴰⵜⵉ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵜⵙⵔⵜⴰⵏⵜ ⴷ ⵜⵖⵔⵎⴰⵏⵜ ⴷ ⵜⵉⵢⵢⴰⴹ, ⴷ ⵓⵣⵓⵍ ⵉⵥⵍⵉⵏ ⵉ ⵉⵎⵖⵔⵉⴱⵉⵢⵏ ⵏ ⵓⵎⴰⴹⴰⵍ ⵍⵍⵉ ⴱⴷⴷⴰ ⵎⵎⴰⵖⵏⵉⵏ ⴼ ⵡⴰⵍⴰⵢ ⵏ ⵓⵛⵏⵢⴰⵍ ⵏ ⵜⵎⵓⵔⵜ ⴷ ⵓⵎⵣⴰⵖ ⵏ ⵜⵎⵙⴰⵔⵉⵏ ⵏⵏⵙ ⵜⵉⵙⵉⵍⴰⵏⵉⵏ.
ⴷ ⵏⴽⴽⵏⵉ ⵏⴷⴷⵔ ⵜⴰⵏⴰⵔⴰ ⴰⴷ ⵜⴰⵎⵣⵔⴰⵢⵜ, ⴰⵔ ⵉⵜⵜⵓⵇⵇⴰⵔ ⵓⴽⴰⴱⴰⵕ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ ⵙ ⵓⵙⵓⵜⴳ ⴷ ⵓⵙⵙⵏ ⵉⴳⴳⵓⵜⵏ, ⵉⵎⴰⵏⵏ ⵖⵓⵙⵏⵉⵏ ⵏ ⵎⴰⵕⵕⴰ ⵉⵎⵇⵇⴰⵊⵉⵏ ⵏ ⵜⵎⵓⵔⵜ, ⵉⵙⵔⴷⴰⵙⵏ ⴷ ⵉⵖⵔⵎⴰⵏⵏ ⵍⵍⵉ ⵔⴰⴷ ⵉⵖⴰⵎⴰ ⵓⴽⵜⵜⵓⵢ ⵏⵏⵙⵏ ⵉⵙⵓⵍ ⴳ ⵓⴼⵔⴰⴽ ⵏ ⵓⵎⴰⴷⴰⵏ ⵏ ⵍⵎⵖⵔⵉ ⴱ ⴷ ⵜⵎⴽⵯⵜⵉⵜ ⵏ ⵜⵎⵓⵔⵜ ⵖ ⴽⵓ ⵉⵣⵎⴰⵣ. ⵖⵎⴽ ⵍⵍⵉ ⵉⵣⵣⵓⵍ ⵓⴽⴰⴱⴰⵕ, ⵙ ⵓⵙⵓⵜⴳ ⵉⴳⴳⵓⵜⵏ, ⵎⴰⵕⵕⴰ ⵜⵉⴳⴳⴰⵍⵉⵏ ⵏ ⵜⵏⴼⵔⵓⵜ ⴷ ⵜⵉⵏ ⵜⵙⵔⴷⴰⵙⵜ, ⵙ ⵡⴰⵏⴰⵡⵏ ⵏⵏⵙⵏⵜ ⴰⴽⴽⵯ, ⴳ ⵜⴳⴳⴰⵍⵉⵏ ⵜⵜⴰⵡⵙⵍⵍⴰⵃⵏⵉⵏ, ⴷ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⴷ ⵜⵊⵉⵕⴹⵎⵢ ⵜⴰⴳⵍⴷⴰⵏⵜ, ⴷ ⵜⴳⴳⴰⵍⵉⵏ ⵏ ⵜⵡⵉⵙⵉ, ⴷ ⵡⴰⵔⴰⵢ ⴰⵖⵔⵎⴰⵏ, ⴼ ⵓⵙⵎⵓⵙⵙⵓ ⵏⵏⵙⵏⵜ ⴰⵙⵓⵍⴰⵏ, ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉ ⵓⵎⵣⴰⵖ ⵏ ⵜⵎⵓⵔⵜ ⴷ ⵓⵔⴳⴳⵉⴳ ⵏⵏⵙ ⴷ ⵜⵅⵅⵓⵜⵔⴰ ⴷ ⵜⵢⴰⵏⵜ ⴷ ⵜⵏⴼⵔⵓⵜ ⵏ ⵉⴽⴰⵍⵉⵡⵏ ⵏⵏⵙ.
ⴳ ⵜⵉⵣⵉ ⴰⴷ ⵜⴰⵎⵣⵔⴰⵢⵜ, ⴰⵔ ⵉⵜⵜⵉⵏⵉ ⵓⴽⴰⴱⴰⵕ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ ⵎⴰⵙ ⵉⵔⵎⵙ ⵍⵎⵖⵔⵉⴱ, ⵙ ⵜⵎⴰⵎⴽⵜ ⵉⴼⴰⵡⵏ, ⴳ ⵓⵕⵥⵥⵓⵎ ⵏ ⵜⵏⴼⵓⵍⵜ ⵜⴰⵎⴰⵢⵏⵓⵜ, ⵜⴰⵏⴼⵓⵍⵜ ⵏ ⵓⵚⴽⵓ ⵏ ⵉⵎⴰⵍ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⴳ ⵓⵙⴰⵜⵉ ⵏ ⵓⵏⴱⴰⴹ ⴰⵏⵉⵎⴰⵏ, ⴳ ⵓⵎⴰⵍⵓ ⵏ ⵜⵅⵅⵓⵜⵔⴰ ⵜⴰⵎⵖⵔⵉⴱⵉⵜ. ⵜⴳⴰ ⵜⴰⴼⵔⴽⴰ ⵜⴰⵎⵣⵔⴰⵢⵜ ⵜⴰⵎⴰⵢⵏⵓⵜ ⴷ ⵜⵜⵇⴰⵏ ⵜⵣⵣⵉⴳⵣⵜ ⵏ ⵓⵙⴷⵓⵙ ⵏ ⵜⵙⴳⴰ ⵜⴰⴳⵯⵏⵙⴰⵏⵜ ⴳ ⵎⴰⵕⵕⴰ ⵉⵙⵡⵉⵔⵏ ⵉⴷⵉⵎⵓⵇⵔⴰⵟⵉⵢⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ, ⴷ ⵓⴱⴷⴷⴰⴷ ⴼ ⵓⴱⵔⵉⴷ ⵏ ⵓⵎⵓⴽⵏ ⴷ ⵓⵚⴽⵓ, ⵉ ⵡⴰⵍⴰⵢ ⵏ ⵜⵏⴰⵥⴰⵕⵉⵏ ⵏ ⵜⴼⵔⴽⴰ ⴰⴷ, ⴷ ⵓⵙⵎⵀⵍ ⵏ ⵓⴼⵙⵙⴰⵢ ⴰⴷ ⴳ ⵜⵉⵍⴰⵡⵜ.
ⴰⵔ ⵉⵜⵜⵉⵏⵉ ⵓⴽⴰⴱⴰⵕ ⵜⵉⵔⴰⵜ ⵏⵏⵙ ⵉⴷⵔⴰⵏ ⵉ ⵜⵡⵉⵣⵉ ⴰⴽⴷ ⵎⴰⵕⵕⴰ ⵜⵓⴷⴷⵉⵙⵉⵏ ⵜⵉⵏⴰⵎⵓⵔⵉⵏ ⴷⴷⵔⵏⵉⵏ, ⵉ ⵓⵙⴽⵔ ⵏ ⵓⵏⴱⴰⴹ ⴰⵏⵉⵎⴰⵏ ⴳ ⵜⵉⵍⴰⵡⵜ, ⴷ ⵓⵙⵙⵎⵓⵔⵙ ⵏ ⵜⵡⵓⵔⵉ ⵏ ⵓⵙⵏⵓⴱⴳ ⵏ ⵉⵙⵜⵎⴰⵜⵏⵖ ⴷ ⴰⵢⵜⵎⴰⵜⵏⵖ ⵍⵍⴰⵏⵉⵏ ⵖⵉⵍⴰⴷ ⴳ ⵜⵉⵏⴷⵓⴼ, ⴷ ⵓⵏⴰⵔⵓⵣ ⵏⵏⵙ ⴰⴷ ⵜⴰⵡⵙ ⵜⵣⵣⵉⴳⵣⵜ ⴰⴷ ⵉⵙⵜⴰⵡⵀⵎⵎⴰⵏ ⴳ ⵓⵕⵥⵥⵓⵎ ⵏ ⵜⵏⴼⵓⵍⵜ ⵜⴰⵎⴰⵢⵏⵓⵜ ⴷⴰⵜ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴷⴷⵣⴰⵢⵔ, ⵙ ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵜⵉⵍⵉⵜ ⵏ ⵓⵙⴰⵢⵔⴰⵔ ⴰⵎⴰⵖⵔⴰⴱⵉ ⵉⵎⵓⵏⵏ ⵉⴱⵓⵖⵍⴰⵏ ⴷ ⵉⴷⵓⵙⵏ.
ⵕⵕⴱⴰⵟ, ⴳ 31 ⴽⵟⵓⴱⵕ 2025